Menü
Lübecker Nachrichten | Ihre Zeitung aus Lübeck
Anmelden
Bad Schwartau Gor nich so eenfach
Lokales Bad Schwartau Gor nich so eenfach
Partner im Redaktionsnetzwerk Deutschland
22:35 17.11.2016
Vun Heiner Nissen
Anzeige

Mit de Muulbeerbööm weer dat nix. Ik heff bloots den enen funnen, de in Lübeck in den Goorn vun dat Borgklooster steiht.Ik heff de Garners fraagt un den Förster un de Lüüd vun de Stadt: Keen Muulbeerboom!

Schaadt nix. Dat gifft so veel anner Bööm. Ik denk dor an de Linnen, de ünnen an de Trav staht. De dor noch staht. Also mit de Bööm, dat is gor nich so eenfach. Disse Linnen, de süllt weg, de stöört.

De sünd nich old, de sünd nich krank.

Dorüm gifft dat Lüüd in uns Stadt, de seggt, de Linnen mütt stahn blieben. Un denn gifft dat annere, de wüllt de rutrieten. Dor ünnen an de Trav sall dat richtig schöön warrn, so en feine Promenaad sall dor hen, schöön glatt un so breet, dat ok mal twee Lüüd mit de Rullstohl anenanner vörbi kaamt. Dat geiht nu nich un dorüm mütt de Linnen weg. Dat meent de een.

De anner meent, de mütt stahn blieben.

Un disse beiden Sorten Minschen, de hebbt sik fix bi de Ohren, un dorüm nu ward afstimmt. Dat is as so en Oort Wahl, mit Stimmzettel un so. Kost allens veel Geld, avers dat hebbt wi.

Nu mach dat sien, dat de mehrsten Lübecker wüllt, dat de Bööm stahn blievt. Denn passiert nix.

Dat gifft enen Plan mit de brede Promenad un nie Bööm, de gellt un dorför gifft dat Geld. För nix anners wat. „Na ja“, meent Korl, „wenn dor nu nix na kümmt, dat weer doch bannig schaad. Ik bün ok för de nie Promenad un nie Bööm. Man anners rüm mütt ik mi en beten högen.Kiek mal, dor ward nich eenfach mal bestimmt, so geiht dat lang. Ne, de Lüüd ward fraagt, un wat de wüllt, so sall dat maakt warrn. Is dat nix?“

LN

Kommentare
Die Debatte geht am Morgen weiter
Die Kommentarfunktion ist zwischen 22:00 und 07:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!
Bad Schwartau Bad Schwartau - Zwei Einbrüche

Weihnachtsmarktbude und Ladentür aufgebrochen.

17.11.2016

Im Museum Bad Schwartau findet am Sonnabend das Herbstkonzert der OMV OH statt.

17.11.2016

Heute Abend tritt der Kammerchor „Capella St. Marien“ in Bad Schwartau auf.

17.11.2016
Anzeige