Menü
Lübecker Nachrichten | Ihre Zeitung aus Lübeck
Anmelden
Bad Schwartau MOIN, MOIN!
Lokales Bad Schwartau MOIN, MOIN!
Partner im Redaktionsnetzwerk Deutschland
20:19 04.02.2016
Karl-Heinz Nissen HeinerNissen@versanet.de

Freedag weer ik bi miene Bank. Ik wull noch fix miene Bidräg för all miene Vereins överwiesen. Vun den 1. Februar gelt bloots noch de nie, lange Kontonummer un de Arbeit wull ik mi sporen. Man, dat weer Schiet. Mien Bank harr al nie Computer upstellt. Wat heff ik mi quält mit de langen Nummern. Mal harr ik en Tall vergeten, mal fehl en Null. Kannst de Wuut kriegen. Ik gah rut ut miene Vereins!

Orrer — beter doch nich? Ik bün al so lang in den Geschichtsverein mit Vördräg, mit Besichtigungen, wat heff ik för vele Lüüd kennen lehrt. Ne, dor kann ik nich rutgahn, dor wörr mi glatt wat fehlen.

Un de Verein mit all miene Kollegen vun ‚n Buu? Wi sünd länger as 50 Johr tohoop, draapt uns, snackt vun olle Tieden — un denn dat Iesbeen-Eten? Dat kann ik doch nich upgeben. Wat is mit miene Plattdüütsche Gill? Dor weren miene Öllern al Maat, Anneke un ik, wi sünd dor gries worrn. Uns Gill ward bald 100 Johr old, dor kann ik mi doch nich afmellen.

Wenn ik segg „gries worrn“, dat is wohr, wi sünd meist all Griesköpp. Junge Lüüd hebbt wi nich veel — ik meen so ünner 60.

Wo sünd de all, hebbt keen Tiet? Sitt vör den Computer? Keen Lust, ok mal enen Posten to övernehmen? Jammerschaad. So en Verein is en ganz gode Saak, bringt di up ganz anner Gedanken. Ik mell mi nich af, un wenn de Kontonummer noch so lang is.

LN

Kommentare
Die Debatte geht am Morgen weiter
Die Kommentarfunktion ist zwischen 23:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Die Termine des Stockelsdorfer Seniorenclubs stehen fest: Am Montag, 15. Februar, startet der SSC mit einem „Fit+Fun“- Überraschungstermin in das Veranstaltungsjahr 2016.

04.02.2016

Die Frühjahrs-Termine der Volkshochschulen haben begonnen — In Stockelsdorf und Bad Schwartau werden diverse Kurse angeboten — Darunter viele Neuheiten.

05.02.2016

Die Zahlen für 2016 sind sehr viel niedriger als 2015 Bürgermeister sehen aber keinen Grund zur Entwarnung.

05.02.2016
Anzeige