Menü
Lübecker Nachrichten | Ihre Zeitung aus Lübeck
Anmelden
Bad Schwartau Nich jümmers swatt
Lokales Bad Schwartau Nich jümmers swatt
Partner im Redaktionsnetzwerk Deutschland
20:37 12.01.2017
Von Heiner Nissen

Na, Korl, büst du goot in dat nie Johr rinkamen?“

„Du warst dat nich glöben, ik harr dat meist verpennt. Kort vörher hett dat en beten knallt, nich veel, bi uns wahnt nich vele junge Lüüd. Un denn heff ik in’n Ferrnsehen olle Filme sehn, ganz olle.“

Ik kiek sünst nich veel in den Kassen. Vun de Tagesschau seh ik de erste Nahricht, mehr nich.

Vörweg seh ik ganz geern so en Magazin över dat, wat dat in uns Land gifft. Is meist interessant.

Kümmt ok mal vör, dat mi dat nich gefallt, so as för en poor Daag. Dat weer en richtige „swatte Stunn“. Ik wull dat al utstellen. Los güng dat mit Platik in de See. Denn hett en vertellt, dat dat so wenig Vagels gifft. Dor na Glatties, en Schipp weer ünnergahn un denn hebbt se vun Beerdigung snackt.

Ne, dat weer nix.

De Bericht över den ollen Boxer, de weer ganz goot. Dat is en Keerl.

Un an’n End keem denn noch de Wederbericht. Du, dor harr ik de Nääs vull.“

„Na, Korl, nu is dat doch nich alle Daag so. Un wenn du in dienen Kiekkassen nix findst, denn müsst du di uns Blatt mal goot ankieken. Dor heff ik letzt wat feines funnen.

Dat güng üm Sternsinger in dat Hamborger Raathuus. De Bericht weer man lütt un stünn links ünnen.

Man de Överschrift, de hett mi gefullen. So wat müß dat alle Daag un överall geben, wenn dat geiht, richtig groot.

Dor kunnst du lesen ,Die gute Nachricht’.“

LN

Kommentare
Die Debatte geht am Morgen weiter
Die Kommentarfunktion ist zwischen 22:00 und 07:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Die Patenschaft zur französischen Gemeinde Le Portel hat Stockelsdorf Bärbel Krüger zu verdanken.

12.01.2017

Stockelsdorf. Die Band „ The Joker“ aus Stockelsdorf feiert ihr 50-jähriges Bühnenjubiläum.

12.01.2017

Am Sonntag, 22. Januar, wird der Kulturverein Cultura Curau wieder eine Theaterfahrt in die Kulturscheune Süsel anbieten.

12.01.2017