Menü
Lübecker Nachrichten | Ihre Zeitung aus Lübeck
Anmelden
Bad Schwartau Olle Frünn
Lokales Bad Schwartau Olle Frünn
Partner im Redaktionsnetzwerk Deutschland
20:33 01.12.2016
Von Heiner Nissen

Dat is al en beten her, twe, dre Johr, dor is Norbert mit uns losföhrt, uns Fruuns ok mit, achter Hamborg, dicht an de Elv. He weer in’n Oosten tohuus un na den Krieg is he dor mit sien Öllern in en lütt Dörp landt.

Dat wull he uns wiesen, De olle Watermöhl, de lütte Stuuv, wo se wahnt hebbt un slapen un kaakt. Ok de Kirch hebbt wi bekeken. De Köstersche weer fründlich un hett upslaten. „Kiek, hier bün ik konfermeert.“

Un denn is Norbert mit uns na enen netten Kroog föhrt, de leeg midden in’t Holt. Wi weren dorbi in de Spieskort to lesen, dor geiht de Döör up – un Walter kümmt rin! Walter! Du! He weer mit uns up de olle Buschool, wi harrn twintig, dörtig Johr nix vun enanner höört.

Grote Freud! Un denn geiht de Döör noch mal up un Hartwig steiht dor. Minsch, Hartwig! Dat harr Norbert allens so trecht kregen. Ganz dull, wi hebbt snackt un snackt un hebbt uns fast vörnahmen, wi wullen uns wedder sehn. Na ja, as dat so is.

Avers nu hett dat klappt. Wi hebbt uns in Lübeck drapen, in en old Gaststuuv, richtig ut olle Tieden. Uns Fruuns harrn wi tohuus laten. Wi harrn enen Platz, dor kunnen wi snacken un vertelln un wi hebbt nümms stöört – denk ik. Wat is uns allens infullen ut uns jungen Johrn. De hett dit maakt, de hett dor arbeit, de is dor up de Nääs fullen. To schöön.

Wi harrn noch lang snacken kunnt, man uns beiden harrn enen langen Weg nahuus, se müssen los.

Avers wi seht uns bald wedder, recht bald. Ik glööv, för uns veer weer dat en richtig Geschenk to Wiehnachten.

LN

Kommentare
Die Debatte geht am Morgen weiter
Die Kommentarfunktion ist zwischen 22:00 und 07:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Die Verwaltung prüft die Aufstellung eines Info-Kastens vor der Gaststätte Marienholm im Stadtteil Kaltenhof.

01.12.2016

Bluhme-Jebsen-Stiftung spendete 1500 Euro für die Anschaffung.

01.12.2016

Die Parkinson-Selbsthilfegruppe Ostholstein trifft sich immer mittwochs um 15 Uhr im Café Relax in Bad Schwartau zwischen Schwimmhalle und Jahn-Sporthalle.

01.12.2016
Anzeige