Menü
Lübecker Nachrichten | Ihre Zeitung aus Lübeck
Anmelden
Lauenburg Bookeckernsammeln
Lokales Lauenburg Bookeckernsammeln
Partner im Redaktionsnetzwerk Deutschland
20:32 25.11.2016
Von Ingrid Stenske-Wiechmann

Dat Johr 1947 weer dat Johr, as de Lüüd in Düütschland so wenig to eeten harrn, dat mennigeen vör Hunger to Dode kamen is. Good weer de an, de wat to'n Tuschen harr, sik also vun en Smuckstück orrer vun sünstwat Wertvulles trennte un dat gegen Melk, een Stück Speck or een poor Eier intuschen kunn. An Broot geev dat blots noch Maisbrot, dat kunn man kuum eten. Wenn in'n Harvst de Bläder vun de Bööm rünner weern, trocken wi uns warm an, un af güng dat in den Wold, to'n Bookekkern sammeln. Wi harrn uns 'ne Hark mitnamen, un denn möken wi so'n Flach von 12 x 15 Meter frie vun Bläder, un uns Mudder kunn mit uns beiden Deerns, ik weer domals 10 Johr old, fix de Bookeckern tosamen grapschen. Dat weer bannig koolt, un toletzt harrn wi gor keen Geföhl mehr in uns lütten Fingers.

As wi na etliche Daag 10 Pund tosamen sammelt harrn, güng dat mit de Bahn na Horborg to de Oelmöhl. De insammelten Bookeckern würrn dor denn afwagen un för 10 Pund Bookeckern geev dat een Liter Bückel-Oel. Dat smeck na Rook un na Fisch, aver wi weern froh, dat wi dat harrn. Mien Mudder is dor ganz sporsam mit ümgahn, un as dat Johr to Enn güng, hett se dormit Förtens backt, man seggt ok Ossenogen dorto.

Wi hebbt denn dat Leed sungen „Ohljohr, Niejohr, Mudder sünd de Förten goor? Sünd se goor, giff mi'n poor. Sünd se'n beten kleen, denn giff mi twee vör een, sünd se'n beten groot, so hett dat kene Noot.“ Wenn ik hüüt an dissen finen Gesmack von warmen Hefedeeg, Zucker un Bückel-Oel denk, löppt mi noch dat Water in't Muul tosamen, un ik würr dat geern noch mol eten, aber woher sall ik hütigendaags woll Bückel-Oel herkriegen?

LN

Kommentare
Die Debatte geht am Morgen weiter
Die Kommentarfunktion ist zwischen 23:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Zum 22. Mal hat die WVS Schwarzenbek die Auszeichnung verliehen – Hilfe-Appell an die Stadt.

25.11.2016

Weihnachtsmarkt lockt mit Kunsthandwerk.

25.11.2016

Die Euphorie der deutsch-deutschen Wiedervereinigung ermöglichte den Verhandlungspartnern vor 25 Jahren eine unbürokratische Zusammenarbeit.

25.11.2016
Anzeige