Menü
Lübecker Nachrichten | Ihre Zeitung aus Lübeck
Anmelden
Lauenburg Dat hett klappt as in olle Tieden
Lokales Lauenburg Dat hett klappt as in olle Tieden
Partner im Redaktionsnetzwerk Deutschland
20:37 13.01.2017
Vun Korl Bäk

Wi Ollen kennt dat noch: De Autostoppers an de Straten un Autobahnupfohrten. An'n Horner Kreisel, dor stünn’ se dicht bi dicht. Un sünd all irgendwie wieder kamen. Min Bräuding, Student in Dresden, wier noch vör denn Muerbuu, 1961 per Autostopp in Indien. Mit minen Paß. Ick heff dat blot bit an dat Schwatte Meer schafft. Wull eigentlich nah Istanbul.

Nu müßt ik nah Mölln, min repariertes Auto afhalen. Awer woans kam ik dor hen? De Werkstatt halt einen af, un dat gifft ok einen regen Busverkehr. Wat sall ik nu maken? Dor sünd mi de ollen Tieden infulln: Autostoppen. Tau de ollen Tieden möt noch secht warn, dat dat dormals ok nich ruckzuck güng. Oft hebbt wi lange an de Landstraat stahn. Mit disse Gedanken in Kopp güng dat denn los vun de Bäk na Mölln.

Vun de Bäk güng dat mit eine Bekannte flink bit tau Vörstadtschaul. Un denn tau Faut bit tau de Möllner Straat, un denn in Rägen mit eine Hand winkend tau Faut an de Affohrt tau't Krankenhus vörbi, denn an de Affohrt tau'n Seniorenwahnsitz vörbi un wieder, all bäten wat hoffnungslos, tau Faut up dat Stratenbankett in Richtung Kanalbrüch. As vör fiefunföftig Johren hett dat klappt. Bit dicht an de Werkstatt in Mölln. Wunnerbor. Dusend Dank denn Upsammler un Mitnähmer.

LN

Kommentare
Die Debatte geht am Morgen weiter
Die Kommentarfunktion ist zwischen 22:00 und 07:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

20 + C + M + B + 17: Von 9 bis 17 Uhr sind die Heiligen Drei Könige mit ihrem Sternträger unterwegs.

13.01.2017

Kreismodellprojekt stellte sich gestern Sozialministerin Kristin Alheit (SPD) im SWR in Ratzeburg vor.

13.01.2017

Glatteisunfälle, quer stehende Laster und ein Fehlalarm beschäftigten die Retter im Kreis.

13.01.2017
Anzeige