Menü
Lübecker Nachrichten | Ihre Zeitung aus Lübeck
Anmelden
Lauenburg Wat so allens passeern kann
Lokales Lauenburg Wat so allens passeern kann
Partner im Redaktionsnetzwerk Deutschland
20:12 20.01.2017
Vun Gerd Neugebauer

Hüüt Morgen wull ik so'n richtig schöön Quarkbroot eten. Ik heff mi also en Holtbrett nahmen, 'n Schiev Swattbroot dorop leggt un mit'n Lepel meest fingerdick den Quark opsmeert. Is di woll de half Packung bi bruukt worrn. Bodder oder Margarine heff ik nich nahmen. Weer ja Fett noog in den Quark in. Afsmeckt heff ik dat Ganze denn mit Krüdersolt, Peper, Chilli un ok noch en extra apart Mischung. Allens mit den Lepel glatt streken.

Nu wull ik düsse Creatzion in mien Wahnstuuv geneten. Also dat Ganze in de Hand nahmen un los. Ik bün aver nich wiet kamen. Al na twee, dree Schreed kreeg mien Broot enerwie dat Lopen un maakt sik sülvst op'n Weg. Dat Ganze rutscht vun den Bricken hendaal. Nich man bloots so egaal! Nee, mit son'n richtigen Schisslaweng, 'n dubbelten Salto mortale. De Quark fleeg di man so to all Sieden hen.

Dat Schapp, de Teppich un ok mien Nachtbüx kregen wat af.

Nu weern dor ja ok noch twee anner Schangsen: De eerst, de Schiev fallt op de dröge Siet. As tweete blifft blots noch de natte Siet. Hier harr ik aver mehr Dusel. Dat Broot bleev op de dröge liggen.

Langt liekers. Weer ja woll ok Swienkraam noog. Ik heff den Dreck af- un opwischt. De Schiev Broot harr nich veel avkregen, keek mi ümmer noch binah so an, as vör de Reis, as wull se seggen: „Nu freet mi doch endlich op!“ Ik heff ehr noch'n beten afpuust. Kunn nich veel Dreck an west sien. Bi mi in de Wahnung is dat ja meisttiets rein.

Nu hett dat nich mehr lang duert, dor weer se futsch. Hett gor nich slecht smeckt, un de schüren Stummels mang de Tähn keemen doch woll vun de Krüder. Ik heff dat op jeden Fall so glöven wullt!

LN

Kommentare
Die Debatte geht am Morgen weiter
Die Kommentarfunktion ist zwischen 22:00 und 07:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

Staatsministerin Prof. Monika Grütters informierte sich über Arbeit der Stiftung in Friedrichsruh.

20.01.2017

Bernd König stellte in Schwarzenbek die Pläne des Landes vor – Hohe Sulfatwerte im Grundwasser.

20.01.2017

Junge Union kritisiert hohe Kosten des Neubaus – Bürgermeister verweist auf einstimmige Beschlüsse.

20.01.2017