Menü
Lübecker Nachrichten | Ihre Zeitung aus Lübeck
Anmelden
Ostholstein Trost geven
Lokales Ostholstein Trost geven
Partner im Redaktionsnetzwerk Deutschland
20:36 21.11.2016
Von Lydia Gottschall

Mien Grootöllern sünd merrn in´n 2. Weltkrieg to uns in’t Luunborgsche kamen. 1943 weer de grote Bombardierung op Kassel und dor harrn se denn keen Tohuus mehr. Dat de Reis mit de Iesenbahn vun Kassel na Hamborg un wieder to uns mit en „Vorortzug“ ahn Twüschenfäll funkschoneert hett, wunnert mi ümmer noch. Se hebbt twee lierlütte Stuven in uns lütt Huus kregen. En Flur geev dat nich, dat güng vun de Huusdör gliecks in de Köök rin, dat weer gliecktietig de Slaapstell för mien Onkel.

De twete Stuuv weer Slaapstuuv un Wahnstuuv för de Grootöllern. Grootvadder weer Paster vun en free’e Glovenskark, de ok in de nahste Stadt weer. In disse swore Tiet anner Minschen Troost to geven, weer för em christliche Plicht. He hett meent, se weern nich in so grote Noot as de Minschen, de veel Leges beleevt un ehr Heimat un leve Minschen op de Flucht verloorn harrn. Dat nee’e Tohuus bi de Kinner in disse slimme Kriegstiet weer en Segen Gottes, dorför weer he, Grootmudder un mien Onkel dankbor. He hett all de Minschen bi uns in’t Dörp un ümto, Troost mit Wöör ut de Bibel geven.

To welk en Gloven de all hörten, spelte för em keen Rull.

He is in’t jedet Huus kamen, wenn man dor tröstliche Wöör bruukt harr. Dat Grootvadder Troost geven kunn, hett em ok sülven goot daan, denn he harr as jungen Kerl in’n 1. Weltkrieg veel Leges beleevt. Dorna harr he en Glasoog kregen, aver nie doröver snackt. Grootvadder hett ok Bibelstüün afhollen in de lierlütte Stuuv. Ik güng noch nicht to School, weer aver ümmer dorbi. Op en Footbank heff ik seten un opmerksam tohöört. Blots wat all de Wöör bedüden deen, heff ik dor noch nich begrepen. Goot dee mi dat liekers, eenfach dorbi sien un tohöörn un Grootvadder in’n sienen swatten Pasterantoog un wittet Hemd ankieken, dat sehg so fein ut un weer för mi wat Besünneres.

LN

Kommentare
Die Debatte geht am Morgen weiter
Die Kommentarfunktion ist zwischen 23:00 und 06:00 Uhr nicht aktiv – denn wir wollen eine gute Moderation der Beiträge gewährleisten.
Wir freuen uns am Morgen über Ihre konstruktiven Beiträge zum Thema!

CISMAR ÖFFNUNGSZEITEN Haus der Natur: 10.00-19.00 Naturmuseum EUTIN SITZUNG Kreishaus, Lübecker Straße 41: 17.00 Hauptausschuss des Kreises Ostholstein ...

21.11.2016

1000 Euro Geldbuße für 72-jährigen Autofahrer aus Pansdorf – Schmerzensgeldprozess folgt.

21.11.2016

. Der Fehmaraner Schäfer Peter Ehler hat am Sonntagmorgen auf einer Weidefläche von Gut Rosenhof ein totes Schaf aus seiner Herde gefunden. „Das Tier wurde offensichtlich gerissen“, sagt Ehler.

21.11.2016
Anzeige